今次要介绍嘅新剧

係林保怡主演

兼首次监制嘅《叹息桥》

剧集喺网络平台上线两日

已经取得8.9高分嘅成绩

你准备好入坑未？！

嗱

之前先讨论过

如果有《法证5》

大家想睇边D演员上阵

不少fans都有谂起林保怡

因为佢主演过嘅

《鉴证实录》《读心神探》

查案真係几好睇！

（讲讲下又想翻煲！！！）

今次新剧係讲

主角们纠缠一生嘅爱恨

虽然唔係刑侦片

但依然有不少fans睇到咗

“读心神探”嘅身影

第一集林保怡饰演嘅Thomas

就凭自己嘅观察同推理

识穿咗客人、伙记、老窦

同埋女友各人嘅“秘密”

可乐君突然间谂起

某个廿年都长唔大嘅小学生名言：

“真相只有一个！”

剧集仲有好多熟悉嘅面孔客串

包括“有钱大晒”组合梁健平

另外仲有好耐无见嘅

唐宁姐姐

都有份出演

目前睇过嘅朋友仔

好多都俾咗五星好评！

有网友表示

等咗一年几都係值得嘅！

剧集不同于一般嘅C9剧

林保怡介绍剧集嘅时候

就话要探讨人性

到底人生应该有咩目标有咩方向

另外剧集结构特别在于

每一集都由一个角色嘅视点出发

比如第十三集出现嘅场景

时序上、逻辑上喺係第六集之前

需要观众头脑好清晰或者好专心去睇

同一件事

唔同人唔同角度

又会睇到不一样嘅故事

真係very interesting！

最近林保怡都好落力宣传新剧

微博上po咗好多《叹息桥》相关内容

佢嘅抖音都有宣传剧集

仲叫《叹息桥》係“我的宝贝”

睇嚟佢自己都超爱呢出剧wor！

well

咁多位剧荒嘅朋友仔

除咗有最新嘅《叹息桥》可以煲

早前播完嘅《二月廿九》

都几多人推荐噶！

正所谓桥唔怕旧最紧要受

呢出穿越爱情剧

有兴趣都可以煲一煲！

最后

可乐君揾到一个

当《叹息桥》遇上《法证4》嘅视频

如果係呢个阵容嘅剧集

你会唔会钟意呢？！

（点击睇片）

☟

你仲记得林保怡边D剧？

新剧嘅题材你又like唔like？

有乜想讲

除咗可以留言话俾可乐君G

仲可以加可乐福利君微信

入可乐福利群揾大家吹水噶！

资料来源：微博、优酷

互联网综合整理

编辑：Junko