奥斯卡喺今早（北京时间）举行，

大家有冇睇直播啊？？？

其实奥斯卡每年嘅角逐电影，

颁奖之前

好少喺国内有火花，

因为D片根本冇睇过。

睇奥斯卡，

好多时都係睇睇明星八卦，

睇睇红地毡look咁。

奥斯卡每年都会安排特别环节，

去缅怀，纪念过去一年

逝世嘅电影人。

今年，

有我哋熟悉嘅高以翔。

高以翔喺亚洲好红啦，

个个都识，

个个都好惋惜。

佢13年喺Hollywood拍过

一部魔幻电影

《圣杯神器：骸骨之城》

（The Mortal Instruments: City of Bones）

虽然佢唔係担正男主角，

但係佢喺戏中嘅角色有关键作用，

戏中佢嘅男巫造型，

有电眼！！！

咁靓仔，咁好人，

唉……

奥斯卡今次纪念，

又掀起网友再一次惋惜，

有导演嘅怀念，

亦有佢主演嘅电视剧，

仲有佢嘅好朋友

毛加恩话："Always missing you."

佢女朋友当然都有

对佢再一次示爱。

讲翻今届奥斯卡，

若然你有follow开欧美电影，

今年奥斯卡嘅得奖，

你满唔满意啊？？？？

今年横扫奥斯卡嘅猛片，

係《寄生虫》，

《寄生虫》热门咗唔止半年了吧？？？？

扫尽各大颁奖典礼，

今次更加係韩语片第一次

赢得奥斯卡最佳影片，

创造咗历史！！！

真係好犀利！！！！！！！

话时话啦，

大家睇咗未噶？？？？

放假咁多日？？？？

未嘅话都唔紧要，

假如你仲有假，

今次一定要睇啦！！！！

《寄生虫》讲述嘅普通人囧况，

其实，

大家喺日常生活都见唔少啊？？？？

喺身边四周围望望，

又或者上微博扫一圈，

都唔难发现。

《寄生虫》震撼到西人嘅角度，

可能同我哋睇嘅角度唔同。

同係亚洲人，

同係普通阶层，

我哋嘅共同点会多啲。

最后附上今届奥斯卡部分获奖名单

最佳影片：《寄生虫》

最佳导演：奉俊昊《寄生虫》

最佳男主角：华金·菲尼克斯《小丑》
最佳女主角：芮妮·齐薇格《朱迪》

最佳男配角：布拉德·皮特《好莱坞往事》

最佳女配角：劳拉·邓恩《婚姻故事》

最佳原创剧本：《寄生虫》奉俊昊/韩进元
最佳改编剧本：《乔乔的异想世界》

最佳动画长片：《玩具总动员4》

睇过嘅仁兄/妹，

你哋有咩感受啊？？？？

讲来听下？？？？