TVB嘅颁奖典礼

年年都好受关注

尤其是视帝视后两个奖项

最终究竟花落谁家！

早前TVB官博已经放出

视帝视后嘅候选名单

可乐君都问咗下

大家有咩心水

（点呢度回顾）

well

今年嘅视帝视后争夺战

都算有D睇头

尤其是男主角呢边

你估係呼声超高嘅马明胜出？

抑或係后来杀出嘅

陈山聪会赢呢？

fans好多都支持马明wor！

投票都係佢一马当先

有58%支持！

视后呢边

就係同预估嘅差唔多

李施嬅同红姐最多人拣

除咗男女主角之外

今年飞跃奖嘅竞争都唔细噶

最近提名名单出咗炉啦！

张振朗

本年度作品：《包青天再起风云》

《牛下女高音》《12个夏天》

张振朗近年被TVB力捧

拍咗好多部戏

不过因为各种原因

D剧集拍咗冇播出街

又或者安排喺海外播出

可乐君印象最深嘅

依然係佢同王浩信嘅《踩过界》

呢pair都令人有D上头！

张振朗同王浩信

之后亦有更多合作

比如《极道怪咖》《踩过界2》

期待可以快D播出啦！

周嘉洛

本年度作品：

《爱·回家之开心速递》

《街坊财爷》

《爱·回家之开心速递》

係大家嘅快乐源泉

周嘉洛饰演嘅金城安

係剧集嘅搞笑担当之一

寻晚佢哋恶搞《金宵大厦》

再次击中大家笑点

想听呢首《叉烧多珍重》

就click图片睇片段回顾啦！

☟

剧集除咗有好多欢笑

仲可以令你嗑CP

嗑到欲罢不能

比如话大小姐送水辉

以及龚水CP等等

当然唔少得

安仔同朱凌凌呢pair

连Bonnie都要企埋一边

well

“安仔”周嘉洛

凭《爱回家》成功入屋

今次竞争飞跃奖

官博底下评论嘅呼声

最犀利就係佢

声势赢足9条街

唔G最后会唔会成功攞奖呢？

罗天宇

本年度作品：

《包青天再起风云》

《她她她的少女时代》

《3日2夜》

佢喺《她她她的少女时代》

show出fit爆身形

确实令人眼前一亮

不过要争飞跃奖

好似未係时候？

丁子朗

本年度作品：《解决师》

《快乐中年》《12个夏天》

《森美旅行团》

丁子朗有“无线最强小鲜肉”之称

之前喺《解决师》演中学生

都得到好多人like

另外

佢喺不同综艺节目上

都有唔错嘅表现

今次争飞跃都有较大机会噶！

黄庭锋

本年度作品：《香港原味道》

《娱乐大家》《长命不老》

黄庭锋主要活跃喺综艺节目

可乐君目测佢係

今年飞跃奖嘅陪跑人选！

wow

睇到呢度

又係时候投个票啦

今年飞跃你撑边个呢？！

如果你仲有其他like嘅

例牌留言share啦！

资料来源：TVB官博

影视截图

艺人社交平台

编辑：Junko