今日有个热搜

引起咗可乐君嘅关注

叫做#最贴合原著的影视剧#

近年来改编小说嘅电视剧

多到数不胜数

因为热门小说本身

就已经有庞大嘅粉丝群

自然好多人都睇啱呢点

不过原著粉嘅要求好高

每个人心目中

都有自己想象嘅理想型

演员拣唔啱佢哋心水就gg

更何况基本上为咗播出效果

都会进行大量嘅改编

一出优秀嘅改编电视剧

要令大部分嘅书粉满意

又通过电视剧圈到新嘅粉

咁近年来边d剧

符合呢个要求？

网友们进行咗热烈嘅讨论

提名频率比较高嘅

有以下几出

↓

《陈情令》

今年热播嘅《陈情令》

改编自小说《魔道祖师》

唔单止选角优秀

剧情都十分还原

粉丝以为唔会拍嘅名场面

喺剧中都出现咗唔少

从播出开始评分低开高走

一路逆风翻盘

两位主演肖战同王一博

亦都喺电视剧之后人气爆棚

《亲爱的热爱的》

依然係今个夏天嘅爆款剧

改编自小说《蜜汁炖鱿鱼》

由杨紫同李现主演

李现演完呢出戏之后

人气都係即刻急升

佟年同韩商言嘅甜蜜

同埋喺理想路上

嘅一路互相扶持到成功

都令观众沉迷其中

而且身边嘅书粉亦表示够还原

《东宫》

同名小说嘅剧情

可以话係非常狗血

拍成剧出来都係咁上下

不过网友就表示

其实ok还原原著嘅

而且剧情方面比起原著

仲有d惊喜嘅部分

《微微一笑很倾城》

改编自同名小说

小说人气就好高

拥有好多忠实粉丝

杨洋同郑爽拍嘅剧版

喺剧情上来讲算唔错

而且杨洋嘅颜

真係好啱演大神

不过女主嘅身材

就非常偏离原著

其他方面都几ok

《何以笙箫默》

电视剧版嘅《何以笙箫默》

由钟汉良同唐嫣饰演

当年嘅人气真係好高

小说本身喺言情界就好经典

而电视剧基本上

都将成个故事脉络完整呈现

而且冇咩乱七八糟嘅魔改

算係唔错嘅还原

《琅琊榜》

同样係改编自同名小说

琅琊榜嘅剧本身单睇

就已经质量好高

无论演员嘅演技定係服化

仲有剧情走向都超正

还原度上面来讲

都好唔错

梅长苏当年呢个look

喺某宝都好多人买来cos

而且部戏呢几年

喺成个亚洲都好受关注

甚至有日韩博主话

到宜家仲有网友喺网上讨论剧情

《步步惊心》

穿越嘅小说当时正hit

《步步惊心》系列简直係代表作

改编成电视剧依然人气高企

刘诗诗同吴奇隆嘅组合

依家都仲印象深刻

虽然大结局係be

不过依然阻挡唔住

大家对呢出剧嘅高评价

以上讲嘅呢几部你有冇睇过？

你心目中边出电视剧

最还原原著呢？

资料来源：豆瓣 电视剧截图

编辑：zhangxiaoli

官方微信：可乐生活color(colorcolor818)

官方唯一商务合作QQ：1902182069