可乐君讲个“恐怖故事”俾你听

仲有几十日

就到2020年啦！！！

而且下年1月底就过年

时间快到有D措手不及

你觉唔觉？？？

Any肥

与其担心时间太快

不如睇返D开心嘢

下年春节档电影

已经有不少定咗档

《囧妈》

徐峥“囧系列”第三部作品

又名《俄囧》

讲述主角同阿妈

去往莫斯科途中发生嘅囧事

徐峥、沈腾&袁泉主演

不过上次港囧评价两极化

今次大家期待值都係一般般

究竟可唔可以击中大家嘅笑点

就要到时先G啦！

《唐人街探案3》

继曼谷、纽约之后

两位唐人街神探唐仁（王宝强 饰）

& 秦风（刘昊然 饰）

受侦探野田昊（妻夫木聪 饰）邀请

前往日本东京破案！

曾经出演第一部《唐》嘅

张子枫妹妹回归

电影仲邀请咗岛田庄司进行指导

哇！推理迷记得去影院睇睇啦！

《紧急救援》

《红海行动》《湄公河行动》

金牌制作班底嘅全新力作

国内首部海上救援打捞题材电影

影片到国内外多地取景

除咗各种“上天下地”

仲会有好多惊险场面

仲有大家嘅“老公”彭于晏型爆出演

一句讲晒，买飞啦！

☟

《急先锋》

成龙、杨洋主演嘅动作片

“急先锋”行动组辗转全球各地

施展惊险营救

今次杨洋摆脱“油腻”

上阵肉搏好似都几精彩wor！

☟

《中国女排》

陈可辛执导嘅体育题材电影

巩俐神还原中国女排主教练郎平

影片讲述中国女排三十几年

顽强拼搏、为国争光嘅传奇历程

相信会勾起好多人嘅回忆！

☟

《姜子牙》

“大年初一，一战封神”

净係呢句都够晒霸气啦！

早前宣告定档嘅时候

可乐君已经同大家介绍过

☟

今年嘅《哪吒》超级惊艳

之后呢部作品

会唔会再次带俾大家惊喜？

一齐拭目以待啦！

《熊出没·狂野大陆》

熊大、熊二、光头强三位主角

意外来到神秘嘅狂野大陆

展开高科技嘅探险之旅

呢个系列真係每年过年都有

今次故事加入科幻元素

都几有新鲜感噶

好啱带小朋友睇！

出年春节嘅电影

果然係“神仙打架”

可乐君都超期待啊！

边部你最期待？

定係边部你最唔期待？

哈哈哈，来话俾大家知啦！