今年TVB嘅“年度神作”

唔使谂都G係《金宵大厦》

单元剧嘅故事节奏紧凑

故事间又环环相扣

可乐君都好耐冇睇到

咁正嘅奇幻剧啦！

随着剧情发展

剧集引起嘅追剧热潮

可以话越嚟越犀利

可乐君都有陪大家一路追剧

☟

点击图片可以回顾！

fans嘅评论都好精彩！

故事令人surprise

同时令人反思好多现实问题

每晚播出嘅剧情

都带俾大家好多新话题讨论

谂起上次TVB

令人印象深刻嘅奇幻剧

係2年前嘅《降魔的》

佢不负众望有续集

but拍拍下呢排都冇咩声气

唔G年底定下年再播

well

《金宵大厦》咁hit

听讲都有机会拍续集啦！

大台高层见到剧集爆hit

剧中主角、配角都人气急升

就拍板话开拍续集

如果可以开续集fans当然开心

但……

拍续集揾得返原班人马吗？

首先女主角李施嬅

已经签咗美国经理人公司

准备向荷里活发展

开续集会唔会拍？

又会唔会加价先？

李施嬅就好有义气咁话：

“人工呢样我冇谂呀！

我哋艺术家嚟㗎嘛！唔係讲钱！

好似《法证先锋IV》咁要再重拍

我都冇收啲乜嘢钱，

唔收钱都会拍㗎啦！”

佢仲话：

“钱唔係我重点，重点係个期，

同埋我最想最想係原班人马，

真係台前幕后嘅原班人马，

呢样係我觉得最紧要嘅一样嘢，

同埋要多啲资源，

令个剧更加好先开心。”

剧集监制叶镇辉就话

开拍续集要等公司决定

另外仲要研究个故仔点砌：

“公司係有讲过开《金宵2》，

但点行，成个故事係点，

依家仲係零，编审亦搞紧其他剧集，

都要等大家砌下个古仔

先可以有下一步，

而且仲要睇吓演员嘅期

係咪可以配合到。”

睇大家嘅口风

《金宵大厦2》究竟拍唔拍到

暂时都係未知之数

不过部剧咁好睇

重温多几次都无问题啦！

当然，若然《降魔的2.0》可以快D出

都好啊！！！