湖南台嘅节目《我是歌手》

前两年就改名做《歌手》

不过得个名唔同

其实内容都係咁上下

今年嘅节目从1月开播

到寻晚终于完结

热搜就梗有

睇一个节目

仲要係歌唱节目

嘉宾固然之係最紧要嘅

今年一见到有刘欢、齐豫

呢d可能真係有钱

都睇唔到佢哋几次演出嘅大咖

当然就要睇睇啦

首发阵容除咗呢两位吸引之外

当然仲有苏打绿主唱吴青峰加盟

仲要係主持串讲人

有睇过佢哋演出嘅都知

主持一定好多gag

结果都完全无令大家失望

今年可能係节目七年以来

竞赛味最弱嘅一次

点解咁讲？

刘欢从头都尾都话自己

係来推广自己嘅音乐

而齐豫咧

就从头到尾都係为咗

唱几首想唱嘅歌

吴青峰仲hea

摞第一唔开心咗成个星期

摞第五反而开心到飞起

参加节目为咗做自己嘅概念专辑

后期补位仲来咗杨乃文

同事听到都大叫

今年《歌手》仲有人在乎成绩咩？

（咁梗係有一两位嘅...

总之每期唔理结果係点

都会有人大闹

话现场500位评审係聋的传人...

今年节目热度不比往年

不过都算ok

中途声入人心嘅踢馆成功

都为节目带来咗一波人气

下面就来同大家更新下

寻晚嘅终极歌王之战

当然都係循例被观众痛骂

因为实力超强嘅龚琳娜竟然无晋级...

首先第一轮比赛

第一组有三位

龚琳娜+石倚洁、王珮瑜

《武魂》

vs

波琳娜+艾热、达伦小子

《We Are the World》

vs

声入人心+王力宏

《You Raise Me Up》

晋级嘅係声入人心组合

第二组

杨坤+张杰

《直到世界尽头》

vs

吴青峰+蔡依林

《怪美的》

吴青峰晋级

第三组

齐豫+胡夏

《知否知否》

vs

刘欢+谭维维

《我要去哪里》

刘欢晋级

ps

好好笑嘅係呢首歌词

好啦 每组晋级一位之后

剩低嘅四位现场再一轮投票

选出最后一名晋级选手

大家都以为係龚琳娜

或者係波琳娜

点知係坤坤

第二轮

大家肯定就放大招

杨坤继续热唱《巴比伦河》

声入人心回归音乐剧

唱《就在这瞬间》

气氛其实呢个时候都係high噶

点知吴青峰唱咗一首新歌

係去到《歌手》节目之后嘅心路历程

同埋唱咗咁多年歌嘅感想

《歌颂者》

唔单止咁

仲要请咗苏打绿吉他手刘家凯上台

结尾嘅时候俾咗爆喊嘅青峰一个拥抱

台上台下即刻喊到！！！

何炅喊到青峰唱完上台嘅时候

都窒咗几秒

然后刘欢都放大招

将《金缕衣》《菩萨蛮》

《凤凰于飞》三曲合一

而且仲mix咗姚贝娜把声

然后大家又喊一轮

最后歌王其实无咩悬念

当然就係开播就估到嘅刘欢啦！

恭喜！！！

寻晚朋友圈

有睇节目嘅基本上

都係话自己喊咗

可乐君自己总结咗寻晚嘅关键词

应该係【爆喊】

最后送上呢首令大家喊生喊死

连节目都要用来结束嘅《歌颂者》

今季《歌手》你有咩睇法？

官方微信：可乐生活color(colorcolor818)

官方唯一商务合作QQ：1902182069